ددم قورقود - اونونجو بوی- اوشون قوجا اوغلو سگرک (10)

تلخیص: محمد رزاقی

اوغوز زامانيندا اوشون قوجا آدلي بير کيشي واريدي. بونون ايکي اوغلو واريدي. بؤيوگونون آدي اگرک ايدي. باييندير خانين گؤروشونه، هاچان ايسترسه گئدردي. سالور قازانين قاباغيندا اوتوراردي.  

  بير گون ييغيناقدا ترس اوزاميش آدلي بير ايگيدين بو ايشدن آجيغي توتور. دئيير:«بورادا اوتورانلار هاميسي قهراماندي. سن کيمدن آرتيقسان بو سايمازليقلاري ائديرسن؟ سن نه ايگيدليک ائتمیشسن؟

اگرک قازاندان ايجازه آليب اوچ يوز سونگولو ايگيدله يولا دوشورلر. گؤيجه دنيزينه قدر آت چاپيرلار. الينجه قالاسينا يئتيشيرلر. قارا تئکور آلتي يوز آدام يوللور. اوچ يوز ايگيدي قيريب اگرکي توتساق ائديرلر. بو خبر اوشون قوجا قوهومونا چاتیر. آغ گئييملري چيخاريب قارا گئييرلر.

اوشون قوجانين اوغلو سگرگ بؤيویور. بير دلي ايگيد اولور.

بير ييغيناغدا بير يئتيمي وورور. يئتيم  اوشاق دئيير :« بيزي نييه وورورسان؟ چیخارين وارسا گئت قارداشين اگرکي الينجه قالاسيندان چيخارت.»  

  سگرگ ائولرينه گليب آناسيندان سوروشور. آناسي دئيير يالاندير. آتاسي دا بونون گئتمه‌سيندن قورخاراق دئيير بو سؤز يالاندير. 

  سالور قازانا آدام يوللورلار. اوغلان ايسته‌يير گئده قارداشينی قورتارا.  

  سالور قازان دئيير :« ائولندیرین.»  

  اوغلانين آداخليسي واريدي. تئز توي ائتديلر. اوغلاني گرده‌يه قويدولار. سگرگ اؤز قيلينجينی چيخاريب آرالارينا قويدو. قيزا دئدي :« قارداشيمي گتيرمه‌دن گرده‌يه گيرمم.»  

  اوچ ايله گلديم هئچ. گلمزسم ياسيمي توتوب آشيمي وئر. 

  قيز دئيير :«  نئچه ايل چکسه يولون گؤزله‌رم.»  

  سگرگ آتا آناسينین الينی اؤپوپ قارا قوچ آتينا ميندي. اوچ گون گئجه گوندوز آت چاپدي.

قارداشي توتولان قوروغا گلدي. ايليخچيلار آت اوتاریرديلار ايليخچيلاري سالديريب بير نئچه‌سينی اؤلدوردو. کافيرلرين جاسوسو قارا تئکورا خبر آپاردي. اوغوزدان بير دلی ايگيد گليب ايليخچيلاري اؤلدوروب. تئکور آلتميش آدام يوللور اونو توتوب گتيرسينلر. تئکور آداملاري ساواشدا سگره‌گه يئنيلديلر. 

  ايکينجي يول يوز آتلي، اوچونجو يول اوچ يوز آتلي گلدي. آنجاق اوغلان ساواشي قازاندي. 

  تئکورا دئديلر: « بيزيم اليميزدن بير ايش گلمير. دوستاقدا اولان ايگيدي گؤنده‌رک».  

  اگره‌یي گتيريب يئديرتديلر، ايچيرتديلر، اوزونون ساچيني قيرخديلار. آت قيلينج وئرديلر. قوشون قوروغون يانيندا دايانيب سگره‌گي گؤسترديلر. 

  اگرک گلدي ايگيدين يانينا، گؤردو ياتيب بئلينده قوپوز وار. قوپوزو اوغلانين بئليندن چيخاريب چالدي سؤيله‌دي. سگرگ آينیدي. قيلينجينی چکدي. گؤردو الينده قوپوز وار. دئدي: « ايه ياغي! ددم قورقودون حؤرمتينه چالماديم. الينده قوپوز اولماسايدي قارداشيمين باشي اوچون سني ايکي بؤلرديم.»

 چکدي قوپوزو اونون اليندن آلدي. بير- بيرينه سؤز اوخورکن قارداش اولدوقلاريني بيليب بير- بيريله قوجاقلاشديلار. اگرک کيچيک قارداشين بوینوندان اؤپدو. سگرگ ايسه بؤيوک قارداشي‌نين اليني اؤپدو. 

  ايکي قارداش آتلارينا مينيب چاپديلار. هاميسيني قالايا تؤکدولر. «دره‌شام» سويونو کئچيب آخشام اوستو اوغوزون سرحددينه چاتديلار. 

  آتاسينا موشتولوق گؤندرديلر. گومبور طبيللر وورولدو. آلتين بورولار چاليندي. بؤيوک توي مجليسي قورولدو. اگره‌یه ده بير گؤزل قيز آليب ايکي قارداش قوشا گرده‌يه گيرديلر. 

  دده قورقود گليب قوپوزو چالدي. بو بویو دوزدو.

 

[e-mail]

http://anthropology.ir/node/23671

بخش های پیشین:

 بخش اول:

http://anthropology.ir/node/24183

 بخش دوم:

http://anthropology.ir/node/25143

 بخش سوم:

http://anthropology.ir/node/25925

 بخش چهارم:

http://anthropology.ir/node/26378

بخش پنجم:

http://anthropology.ir/node/26752

بخش ششم:

http://anthropology.ir/article/30722

بخش هفتم:

http://anthropology.ir/node/27357

بخش هشتم:

http://anthropology.ir/node/28439

بخش نهم:

http://anthropology.ir/article/29158

از همین نویسنده پیش از این در انسان شناسی و فرهنگ منتشر شده است

http://anthropology.ir/node/14952

http://anthropology.ir/node/23802

http://anthropology.ir/node/23935

http://anthropology.ir/node/18508

http://anthropology.ir/node/19899

http://anthropology.ir/node/24041