آذر نشریه‌سی زنگاندا

محمد رزاقی

منوچهر سعيد وزيري طرفيندن زنگان شهرينده ليتوگرافيا اوصولويلا تورکچه اولاراق «آذربايجان دموکرات فيرقه سي زنجان ويلايت کوميته‌سي» آدينا امتياز صاحيبي و مسئول مودورلوغونو منوچهر سعيد وزيري ياپميشدير.1324-1325 ايلينده 83. ساييدان سونرا قاپانميش ايلک سايي چهارشنبه 1324/11/10 سون سايي 1325/8/29 يايينلانان غزئته آرشيويميزده موجوتدور. غزئته، آذربايجان دموکرات فيرقه‌سينين فيکيرلرينين تبليغينه آغيرليف وئرميشدير. هفته‌ده 2 دفعه اوخوجولارا سونولان بو غزئته دموکرات فيرقه‌سي داغيلديقدان سونرا 1947 ايلينده باقانميشدير. غزئته 4 صايفا اولاراق باسيليرميش يالنيز 15. ساييدا 2 سايفا اک باسقيسي دا يايينلانميشدير. زنگاندا بير ایل بويونجا کولتورل، سياسال و باشقا قونولارلا ايلگيلي خبر و مقاله‌لر بو غزئته‌ده يازيليب يايينلانماسيني گؤروروک. 

بو غزئته‌ده یازیلانق بئله سيرالاماق مومکوندور: سياسي ايچ خرلر، سياسي خاريجي خبرلر، قادينلارين آموزشلری، خالق‌بيليمي، سئچيم خبرلري، مصاحبه، کولتورل چاليشمالارين خبرلری اؤزلليکله مدنيت ائوينين آچيليشي، تياترو خبرلري،.... 
آذرين تحرير هئيئتي بیرینجی ساييدا دوکتور جاهانشاهلو، موهنديس محمود نوايي، خسرو دارايي(1893- 1941)، خانيم بولوري (1926-2000)، منوچهر سعيد وزيري(1920-2014)، ضیا، موهنديس زند ايسيملي يازارلار وئريلميشدير. آبونمان سيستئمي ايلليک 200 ريال، 6 آيليق 100 ريال، 3 آيليق 60 ريال اولاراق دؤردونجو صايفانين سؤن بؤلومونده قيد آلينميش و رئکلاملارين فيياتلاري ايسه غزئته‌نين فردوسي خیابانیندا اولان ايش يئرينده ايکي طرفلي آنلاشمالي اولاراق يازييا آلينميشدير. توانا مطبعه‌سینده چاپ اولان بو غزئته‌نين ايلک ساييسيندا ايچ تاساريمدا يازيلار سوتونلارا بؤلونموش عکس و گول ناقيشلاريدا صايفالاردا گؤرونور