چهارشنبه, ۸ اسفند, ۱۴۰۳ / 26 February, 2025
ددم قورقود(12)
اون ایکینجی بوی- ايچ اوغوزا تاش اوغوز عاصي اولوب بيرک اؤلدوگو
سون بؤلوم
باييندير خان دونيادان گئتميشدي. اوغوز ائللري‌نين باشيندا سالور قازان دوروردو. سالور قازانين بير گله‌نه‌گي وار‌ايدي. ايچ اوغوز ايله ديش اوغوز بير يئره ييغيشاندا قازان ائويني ييغمالانديراردي.
ييغمالاما چاغي بيرجه حلالي‌نين اليندن توتوب چادیردان ائیشیگه چيخاردي. قالان نه وارسا جاماعات گؤتوروب اؤز آرالاريندا پايلاشارديلار.
ييغمالاردا ديش اوغوز اولمادي. ديش اوغوزلاردان اولان اوروز ایله امن بونو بيليب، قازاندان کوسدولر.
قازان قيلباش آدلي ايگيتدن سوروشدو:«ديش اوغوز بگلري چوخداندير يانيميزا گلميرلر، اونلارا نه اولوب؟» قيلباش دئدي: قازان ائويني ييغمالاندیراندا ديش اوغوزو چاغيرمادي. ايسترسینیز من گئديب اونلارين دوست دوشمان اولدوقلاريني بيليم.
قيلباش گليب اوروزون يانينا، اونلارلا دانيشدي. اوروز دئدي:«گئت بيزيم قازانا دوشمان اولدوغوموزو سؤيله.» قيلباش آتلانيب گئري دؤندو.
اوروز قوجا، ديش اوغوز بگلريني بير يئره توپلاييب، قيلباشا دئديگي سؤزو اونلارلا بير آرايا قويدو. بگ‌لر هاميسي قازانا دوشمان اولوب آند ايچديلر.
اوروز قوجا دئدي:«بئيرک بيزدن قيز آليب اونو دا چاغيراريق، بيزيمله اولسا ياخشي اولار، اولمازسا اونو اؤلدوره‌ريک.
آدام يوللاديلار، بئيرک گلدي. قازاندان اوز دؤندرديکلريني بئيره‌گه سؤيله‌ديلر. اونون دا دؤنمه‌سيني ايسته‌ديلر. بئيرک اونلارا قارشي دوردو. اوروز قوجا بئيره‌گين ساققاليندان توتوب، بئيره‌گين ساغ اومباسيندان بير قيلينج چالدي.
بئيره‌گين يولداشلاري اونو اؤلومجول دورومدا گؤتوروب گتيرديلر. بئيرک يانيندا اولانلارين بيرينه دئدي:«اؤزون تئز قازان خانين يانينا يئتير. باشيميزدان کئچه ني اونا سؤيله.»
بو سؤزلري دئييب گؤزلرينی يومدو. بئيره‌گين آغ بوز آتي‌نين قويريوغونو کسديلر. قارا گئيديلر. قازانين يانينا گليب، بئيره‌گين سؤزلرينی سالور قازانا چاتديرديلار.
سالور قازان بو خبري ائشیتجک، دوروب اؤز اوتاغينا گئتدي. يئددي گون ديوانا چيخمادي.
قيلباش ایله قاراگونه قازانين يانينا گليب، دئديلر:«قازان ساغ اولسون! آغلامادان بير شئي اولماز. بئيره‌گين اؤجون آلماليييق.» قازان بوتون اوغوز قهرامانلاريني توپلادي.
بوز اوخ ايله اوچ اوخ (ايچ - ديش) قاريشديلار. ايلک، قازانلا اوروز ساواشا گيرديلر. قازان، قوجا اوروزو ووروب آتدان سالدي. قاراگونه ده اونون باشينی کسدي. ديش اوغوز بگلري بونو گؤروب قازانين آياغينا دوشدولر. قازان اونلاري باغيشلادي.
قازان چاديرلاري يئنيدن قوردو. مين شنليک مجليسي دوزلتدي. دده قورقود گلدي قوپوز چالدي، اوغوزنامه‌نی دوزدو.
ایران مسعود پزشکیان دولت چهاردهم پزشکیان مجلس شورای اسلامی محمدرضا عارف دولت مجلس کابینه دولت چهاردهم اسماعیل هنیه کابینه پزشکیان محمدجواد ظریف
پیاده روی اربعین تهران عراق پلیس تصادف هواشناسی شهرداری تهران سرقت بازنشستگان قتل آموزش و پرورش دستگیری
ایران خودرو خودرو وام قیمت طلا قیمت دلار قیمت خودرو بانک مرکزی برق بازار خودرو بورس بازار سرمایه قیمت سکه
میراث فرهنگی میدان آزادی سینما رهبر انقلاب بیتا فرهی وزارت فرهنگ و ارشاد اسلامی سینمای ایران تلویزیون کتاب تئاتر موسیقی
وزارت علوم تحقیقات و فناوری آزمون
رژیم صهیونیستی غزه روسیه حماس آمریکا فلسطین جنگ غزه اوکراین حزب الله لبنان دونالد ترامپ طوفان الاقصی ترکیه
پرسپولیس فوتبال ذوب آهن لیگ برتر استقلال لیگ برتر ایران المپیک المپیک 2024 پاریس رئال مادرید لیگ برتر فوتبال ایران مهدی تاج باشگاه پرسپولیس
هوش مصنوعی فناوری سامسونگ ایلان ماسک گوگل تلگرام گوشی ستار هاشمی مریخ روزنامه
فشار خون آلزایمر رژیم غذایی مغز دیابت چاقی افسردگی سلامت پوست