ددم قورقود- اون بیرینجی بوی- سالور قازان توتساق اولوب اوغلو اوروز چيخارتدیغي (11)

تلخیص: محمد رزاقی

ترابزون تئکورو، قازان خانا بير شاهين گؤندرميشدي. قازان خان بير گون شاهينلري گؤتوروب اووا چيخديلار. بير سورو قاز گؤردولر. قازان شاهيني بوراخدي، قازلاردان توتسون. شاهين گئديب تومان قالاسينا دوشور. قازان دا شاهي‌نين داليسيجا گليب کافير ائل‌لرينه يئتيشيرلر. قازانين گؤزلرينه يوخو گلير. اورادا ياتيرلار.

 قالانين جاسوسو تئز تئکورا خبر يئتيرير. تئکور آدام گؤندردي. قازان خاني يوخودان آييلدا بيلمه‌ديلر. 25 مين ايگيد شهيد اولدو. قازانين الينی، آياغينی برک باغلاييب گتيرديلر. قازاني بير قويويا ساليب، آغزينا دا دگيرمان داشي قويدولار. يئمک ايچمه‌گيني ده داشين اورتاسيندا اولان دليکدن وئررديلر. 

  تئکورون آروادي بير گون، گلير قويونون باشينا قازانين حالينی سوروشور.

 قازان دئيير:« بوردا اؤلوله‌ريزين يئمکلريني آليب يئييرم».  

  تئکور اؤز بگلريني چاغيريب دانيشيرلار. قازان بيزي اؤيسون اوغوزو سينديرسين، بير ده بيزيم ائليميزه ياغيليغا گلمه‌سين. بو ايشلري گؤرسه اونو چيخارداريق گئدر. 

  قازاني گتيريرلر. قازان دئيير:« من دوغرو يولو گؤرورکن اَيري يولا گلمه‌رم». سونرا قوپوز چاليب اوغوزو اؤيدو. 

  گتيرديلر دونوز داميندا ساخلاديلار. 

  آرادان نئچه ايللر کئچدي. قازانين اوغلو بؤيودو. ديواندا بير کيشي اوغلاندان سوروشدو :« بالا سن قازانين اوغلو دئييلسن‌مي؟»  اوروز دئدي :« يوخ. منيم آتام باييندير خاندي.» کيشي دئدي :« يوخ. سنين آتان قازان خاندير. تومان قالاسيندا توتساقدير.»  

  بو سؤزو ائشيدن اوغلان آناسي‌نين يانينا گلدي. آتاسي‌نين ساغ اولماسيني اؤيره‌نيب، اونو قورتارماق اوچون عميسي قاراگونه‌یه خبر وئرديلر، گلدي. بوتون اوغوز قهرامانلاري توپلاندي. يولا دوشدولر.

 تاجير پالتاريندا اولان اوغوز ايگيتلريني قالانين ايچينه يول وئرمه‌دیلر. گورزله قالانين قاپی‌سینی قيريب، ايچريده اولان کافيرلري اؤلدوردولر. بو قالانين ياغمالانما خبريني تئکورا چاتديرديلار. تئکور اؤز بگلريني باشينا توپلادي: « قازاني بونلارلا ساواشا گؤندرسک ياخشي اولار»  دئيه دوشوندولر. 

  تئکور قوشونو ييغيب مئيدانا گلدي. چادير تيکديردي. ايکي قوشون اوز- اوزه گلديلر. قازان آتينی سوروب تانيشليق وئرمه‌دي. بئيرک، دؤلک ووران، آلپ روستم قازانلا ساواشا بيلمه‌دن گئري قاييتديلار. 

  اوروز بونلاري گؤروب، آتا، قامچي ووروب مئيدانا گيردي. قازانين اوستونه آت ساليب. قيلينجينی چالدي. قيلينج دؤرد بارماق قازانين چيگنينی دوغرادي. ايکينجيسيني ايسته‌دي وورسون، قازان دئدي:« اوغول منم سالور قازان.»  اوروز بو سؤزو ائشيديرکن آتدان يئره ائندي. آتاسي‌نين اليندن اؤپدو. اوغوز قهرامانلاري قازانين يانينا گلديلر. ياغيلارا سالديرديلار. 

  هاميسي بيرليکده اوغوز ائلينه دؤندولر. مجليس قورولدو. دده قورقود گليب قوپوز چالدي. قهرامانلارين کئچميشده باشينا گلنلردن دانيشدي.   

 

[e-mail]

http://anthropology.ir/node/23671

بخش های پیشین:

 بخش اول:

http://anthropology.ir/node/24183

 بخش دوم:

http://anthropology.ir/node/25143

 بخش سوم:

http://anthropology.ir/node/25925

 بخش چهارم:

http://anthropology.ir/node/26378

بخش پنجم:

http://anthropology.ir/node/26752

بخش ششم:

http://anthropology.ir/article/30722

بخش هفتم:

http://anthropology.ir/node/27357

بخش هشتم:

http://anthropology.ir/node/28439

بخش نهم:

http://anthropology.ir/article/29158

بخش دهم:

http://anthropology.ir/article/30434